Caprichiños en galego

Un saúdo a tod@s

Atópome de novo por aquí para ensinarvos uns cantos libros que atopéi en galego e que me teñen moi boa pinta. Non sei se os mercaréi ou non, pero ahí volos deixo para que votedes un ollo.

"A maleta de Victoria Kent" de Xerardo Agrafoxo

Título: A maleta de Victoria Kent

Autor: Xerardo Agrafoxo

Editorial: Galaxia

Ano: 2014

ISBN: 978-84-9865-537-7

Tres días despois do comezo da rebelión militar no Protectorado de Marrocos, Liberto, un obreiro anarquista comprometido coa loita sindical, intégrase na columna de mineiros que intenta parar o golpe de estado en Galicia. Ante o fracaso desta desesperada acción, só lle quedarán dúas saídas para salvar a vida: entobarse entre os outeiros da serra ou fuxir nun dos vapores que saen do peirao de Vigo cara a Buenos Aires. A inesperada aparición dunhas cartas, que descobren unha historia de amor oculta, condicionará o seu destino. Así é o argumento desta novela que destaca pola precisión da súa trama, a destreza amosada na descripción dos personaxes e o retrato que se realiza dunha época marcada pola violencia.

 "A memoria da choiva" de  Pedro Feijoo Barreiro

Titulo: A memoria da choiva

Autor: Pedro Feijoo Barreiro

Editorial: Xeráis

Ano: 2013

ISBN: 978-84-9914-570-9

Cando Xosé Carneiro, coñecido psicanalista e polémico colaborador televisivo, aparece co peito aberto no seu piso da compostelá rúa República do Salvador, son dúas as cousas que chaman a atención do xornalista Aquiles Vega e da profesora Sofía Deneb. A primeira é a brutalidade, a violencia extrema con que o crime foi levado a cabo. A segunda, ese detalle que non encaixa na escena: unha estraña peza de ferro chantada no corazón. En realidade, a de Carneiro non é máis que a primeira dunha cadea de mortes en serie, unha carreira contra o reloxo na que Aquiles terá non só que comprender que é o que está pasando, senón cal é o papel que en toda esta historia xoga un dos nomes máis importantes da nosa literatura, aquel sempre rodeado de misterio e escuridade. E, sobre todo, terá que saber quen é Adriano... Logo do éxito recibido pola súa primeira novela, Os fillos do mar, regresa Pedro Feijoo cunha nova aventura, desta volta chea de versos, de sangue, de amor e de odio, pero mantendo intacta a súa máxima por bandeira: ante todo, o entretemento e o pracer de lectores e lectoras