domingo, 7 de junio de 2015

Novidades da Editorial Galaxia

 Aqui tedes unha das  novidades da Editorial Galaxia, espero que vos guste e vos animedes a compralas¡¡



Título: O viaxeiro radical
Autor: Xerardo Quintiá
Colección: Literaria
Editoria Galaxia 2015, 220 paxinas
ISBN: 978-84-9865-612-1
P.V.P: 16 € Ive incluído


Publícase O viaxeiro radical, unha novela de Xerardo Quintiá na que este poeta e narrador conta a historia dun home extraordinario que, encirrado pola busca do inalcanzable, decide vivir á marxe de calquera conveniconalismo ou imposición, en permanente conflicto consigo mesmo e coa sociedade. Unha obra de ficción que volve poñer de actualidade os logros artísticos da primeira literatura moderna -da Nova Heloísa de Rousseau ao Wilhelm Meister de Goethe- e os achados do pensamento idealista do século XIX.

O viaxeiro radical é unha novela baseada na figura de Manfred Gnädinger, artista alemán que en 1962 chegou á vila de Camelle despois dunha longa viaxe cruzando boa parte de Europa. Nese momento comeza a historia dun home extraordinario que, encirrado por un pulo de liberdade, decidiu vivir á marxe de calquera convencionalismo ou imposición, en permanente conflito cos que o rodeaban .Un artista ceibe e solitario, marxinal por convencemento e necesidade, que transformou a súa propia existencia coa finalidade de que Vida e Arte se fundisen ata formar un todo indisoluble.

A novela indaga nos aspectos que, en determinados momentos da vida do protagonista o empurraron a tomar decisións controvertidas, e pretende achegarse á cerna do personaxe para comprender a razon da súa radicalidade existencial. Ao mesmo tempo, a ficción leva a quen le a facer unha reflexión sobre aspectos fundamentais que determinan a existencia, tales como o amor, a amizade e a busca do sentido da vida.



Xerardo Quintiá (Friol, 1970), poeta e narrador, publicou os seus primeiros traballos no suplemento cultural "Táboa redonda" de El Progreso e colaborou despois en revistas como Dorna e Xistral. En 1997 sae do prelo o seu primeiro libro, Finísimo po nas ás; posteriormente, publica os libros de relatos Unha soa man e outros intres (1999) e Un rabaño de ovellas brancas (2001). De 2002 é O libro dos aparecidos e, de 2012, Hotel Cidade Sur, tamén dedicados á narrativa curta. Como poeta é autor de Ailalalalelo de  auga (2001), Poesía en Ruta, Premio Fermín Bouza Brey en 2005, e Fornelos&Fornelos, primeira fundación, Premio Fiz Vergara Vilariño en 2011.


No hay comentarios:

Publicar un comentario