Novidades da Editorial Galaxia
Ola a tod@s
Traiovos unha novidade da Editorial Galaxia que estou segura que vai gustar. Un libro moi bonito para facer un bo agasallo
Título: Centro histórico de Vigo. Guía visual.
Autor: Basilio Cegarra
Editorial Galaxia 2015, 88 páxinas
ISBN: 978-84-9865-559-9
P.V.P: 20 € Ive incluído
O castro prehistórico e as fortalezas da cidade amurallada, a luz do Paseo de Afonso, o Berbés e o urbanismo dos mariñeiros; San Francisco e a Concatedral, a Pinacoteca, espello da arte galega; o mar retraído na Pedra e a Laxe; as prazas da Constitución, a Princesa e a Porta do Sol, que lindan co Vigo novo; o barrio alto cada vez máis renovado...
Esta guía de Basilio Cegarra é un intenso percorrido visual polos recantos máis emblemáticos do centro histórico de Vigo. Case 400 fotografías que ilustran a transformación que, paseniño, foi mudando e mellorando lugares que durante décadas foron obxecto de deixamento.
"Centro histórico de Vigo. Guía visual" é unha ollada imprescindible para gozar dos lugares para o ocio e para a cultura que acolle o histórico barrio vigués.
Unha viaxe pola vida dos antepasados, un andar cara ao futuro.
Basilio Cegarra é profesaor de Historia e Historia da Arte en Educación Secundaria. Publicou varios libros sobre arte de Galicia e historia local de Vigo, así como traballos didacticos para o ámbito do ensino. Realizou tamén documentais de carácter cultural, entre eles os dedicados ao centro histórico de Vigo, espazo urbano do que posúe un completo arquivo de fotografías e vídeos das últimas décadas. Unha parte desa documentacion gráfica estará dispoñible proximamente en Internet.
Comentarios
Publicar un comentario