Retos na Galaxia¡¡

Ola¡¡ Hoxe veño para falarvos dunha novedade no territorio literario galego que parece moi interesante. Pequenos lectores teñen ante os seus ollos un reto novo no mundo das letras¡¡ Quén será o mais rápido da Galaxia? Eso o dirán na Editorial Galaxia, que de novo reta os pequenos e pequenas das nosas casas para que lean algún dos seus libros¡¡

O que gañe o Reto Lector levará un ipad de última xeración¡¡¡¡¡¡¡¡¡ Non volo podedes perder¡¡ Libros , lecturas divertidas e un reto interesantes son as novas aventuras que a Editorial Galaxia propoñen para os nenos e nenas. 

Achego esta información ata aquí porque algúns colexios leen nas miñas letras , así que para eles vai a información, animáde os nosos nenos e nenas con Reto Lector da Galaxia¡¡

A Editorial Galaxia lanza hoxe a segunda edición do seu Reto Lector destinado a fomentar a lectura entre os máis novos. Despois do éxito da primeira convocatoria en marzo de 2017, na que con apenas dous meses de prazo para participar se recibiron 35 vídeos enviados por rapazas e rapaces de toda Galicia, Galaxia persiste no seu empeño en conseguir que a mocidade se achegue ao sistema literario integrándose nel como críticos, lectores…

Nesta segunda edición, poderán presentarse ao premio as rapazas e os rapaces de entre 12 e 16 anos. Para participar, só terán que enviar ao enderezo electrónico galaxia@editorialgalaxia.gal dous vídeos nos que se dea conta da lectura de dous libros da Editorial Galaxia de calquera das súas coleccións de narrativa para todas as idades: Árbore, Costa Oeste e Literaria. Os vídeos non poderán exceder os dous minutos de duración.

Durante eses dous minutos, os participantes deben comentar o contido da obra, os aspectos que máis lles gustaron e as razóns polas que recomendarían a súa lectura. O xurado estará composto polo alumnado da ESO dun centro galego designado pola editorial, e será quen valore todas as propostas fixándose principalmente no poder de persuasión dos participantes, na súa claridade expositiva e na creatividade da gravación.

A rapaza ou rapaz gañador recibirá un Ipad de última xeración. Ademais, haberá cinco lotes de libros coas últimas novidades da Editorial para os cinco seguintes clasificados. O prazo de entrega dos vídeos estará aberto ata o día 27 de abril, e o fallo do xurado farase público no mes de maio.
A través desta iniciativa, a Editorial Galaxia pretende fomentar a lectura en galego nun sector clave da nosa sociedade: os adolescentes. Para facelo, proponlles aos participantes que tiren rendemento das ferramentas dixitais e do seu potencial como medios de transmisión e difusión lingüística e cultural, ao tempo que os anima a desenvolver o seu sentido crítico, mellorar a súa competencia oral e aprender a ver na literatura unha canle comunicativa.

Deixo un enlace ás bases do Reto Lector da Editorial Galaxia  
Moita sorteeeeee no reto¡¡¡

Comentarios

Publicar un comentario

Entradas populares de este blog

Fragmento de "Los últimos días de nuestros padres" de Joël Dicker

SANTIAGO DE COMPOSTELA EN LOS LIBROS

"O faro escuro" de María López Sández