lunes, 29 de junio de 2015

Novidades Editorial Galaxia

Ola a tod@s,

Tedes aquí novidades interesantes do que o panorama da literatura galega nos deixa entre as novas achegas que aparecen no mercado a través da Editorial Galaxia, vai unha para coñecer vida e obra dalguén que moitos descoñecemos, outra para os pequenos da casa...e polo que eu vin para os que xa non somos tan pequenos tamén  e finalmente unha obra dunha nova escritora do panorama galego que fai o seu debut cunha obra que promete.. eu xa os teño no baúl das palabras.

"Barthes filósofo" de Luis G. Soto

Autor: Luis G. Soto
Editorial: Galaxia 2015
144 páxinas
ISBN: 978-84-9865-608-4
P.V.P: 14,40 € IVE incluído






Gañadora do Premio Ramón Piñeiro 2014, que organizan conxuntamente a Secretaría Xeral de Política Lingüística da sunta de Galicia e Editorial Galaxia coa colaboración de Gas Natural Fenosa e o Centro Ramón Piñeiro.

O xurado valorou especialmente que o ensaio premiado faga unha interpretación, desde Galicia, da obra de Roland Barthes, importante autor cuxo legado está presente na cultura do século XXI. García Soto interpreta a produción bibliográfica de Roland Barthes como a dun filósofo auténtico, Argumentando a través da análise de cada unha das obras de Barthes, o ensaio debulla esa tese, en clave semiólóxica, na procura dun diálogo con quen le.

O ensaio Barthes filósofo comeza cunha achega á vida do autor, para ofrecer o contexto da súa obra. Esta é estudada, logo, percorrendo en orde cronolóxica todos os seus libros, cuxos contidos son expostos, analizados e interpretados. Así, trátase de modo sucinto e sintético do seu traballo de crítica literaria, do seu labor como semiólogo; do xiro estético arredor do "pracer do texto" e do seu rexistro máis próximo a ética.

García Soto conclúe salientando que neses catro dominios (a crítica, a ciencia, a estética, a ética), Barthes non está instalado na verdade, senón que a busca: ao modo dos filósofos clásicos, non a posúe, senón que a quere. Como aqueles, máis que ser sabio (ter o saber), é amante da sabedoría (perséguea, preténdea): filosofa, é filósofo..

"As máscaras do profesor Robindra " de Xoán Babarro González

Editorial: Galaxia 2015
Colección: Árbore ( a partir de 10 anos)
ISBN: 978-84-9865-617-6
P.V.P: 9,50 € Ive incluído

Para saborear 1001 contos!

Este é un libro dentro de moitos libros, ou son moitos libros dentro dun libro.
Como as Mil e unha noites, lemos unha historia que leva dentro a semente doutra.

Un líbro orixinalísimo.
Entra e verás


"Coma unha áncora" de Iria Collazo López

Editorial: Galaxia 2015
Colección: Costa Oeste
128 páxinas
ISBN: 978-84-9865-611-4
P.V.P: 11,10 Ive incluído



Esta novela é máis que unha historia mariñeira arredor dun naufraxio.

Sobre todo, é unha novela de amor. Esa clase de amor que viaxa máis aló das fronteiras, da lóxica e do que coidamos normal. Unha espectacular novela de debut dunha autora que esta chamada a protagonizar grandes páxinas na literatura galega. Neste libro atoparás momentos inesquecibles onde se manifestan o misterio e o inexplicable, mais tamén a vida con toda a súa forza, tanta, que vai por enriba da morte. Empezarás a ler e xa non vas poder parar. Prpárate para naugragar dentro dunhas páxinas cheas de feitizo...


No hay comentarios:

Publicar un comentario