domingo, 17 de mayo de 2015

Día das Letras Galegas: Xosé Filgueira Valverde

Hoxe é o Día das Letras Galegas, deixovos un fragmento da obra "A Monxa-Frade" de Xosé Filgueira Valverde, o autor que se dedica este día fermoso para os galegos.


"Deixou Xanciño a egua no curral do capelán e entraron xuntos frade e mozo. O frescor do portal e aquel doce recendor de albahaca e incenso foron coma un conforto das angueiras da viaxe e das matinacións que acoraban. Pero o padre seguía tan ofegado que a torneira coídou que se burlaba dela ou que toleara.

- Ave María Purísima.
- Sen pecado concibida.
- Son o padre Esteban Guardamiro que quero falar coa madre abadesa e coa comunidade.
- Benvido, señor, sempre a súa visita é moi grata para a comunidade. ¿Ven predicar á vila?
- Non, non, traio un asunto grave que tratar. É que este mozo quere entrar no noviciado.
- Que El-Señor lle manteña o humor, padre Guardamiro. Aí ten as chaves de locutorio -o torno remexeuse coma se fixese discanto da risa da monxa- e suba con coidado, non vaia caer.

Entraron no locutorio, sentouse o frade nun sillón de Moscovia, herdo da abadesa Sarmiento. Quedou en pé o mozo. Tardou en descorrer a cortina negra, detrás da grade. Despois dos saúdos, o frade tatexou:

-Traio estas cartas do padre provincial. O caso é raro. Este mozo, Xanciño, que veu aquí algunhas veces con encomedas do convento e a recoller galanos, este rapaz....
- Xa o coñecemos, padre Guardamiro, veu moitas veces e sempre ben recivido. Teñen unha xoia no seu convento. Coidamos que xa vestira o saial de doado do Noso Padre San Francisco...
- Disculpe, madre abadesa, o que quere o rapaz e vestir o hábito de monxa clarisa."


Deixovos enlaces a fragmentos así como dunha recensión que fixen do seu libro "Quintana viva":



Que teñades un día estupendo¡¡

No hay comentarios:

Publicar un comentario